• Rubrikat •
• Kërkimi i Shpejtë •
• Lidhjet Direkte •
• Publicitet •
• Publicitet •
• Publicitet •
• Publicitet •
• Dita e FLAMURIT •
edhe:
Gëzuar!
| Burim Piraj rizgjedhet kryetar i AAK-së! |
|
Dragash, 06 prill 2013 – Burim Piraj është rizgjedhur me aklamacion për kryetar të degës së AAK-së në Dragash, në Kuvendin Zgjedhor, i cili u mbajt të shtunën. Për t’i përshëndetur punimet e Kuvendit  të degës, në Dragash erdhi i pari i AAK-së, Ramush Haradinaj, i shoqëruar nga bashkëpunëtorët e tij. Gjatë pjesës ceremoniale, drejtuesi i degës në Dragash, Burim Piraj, tha se popullata në këtë komunë po mashtrohet, duke menduar se çdo ditë e më shumë, jeta e tyre po përmirësohet. “Përkundrazi, jeta e qytetarëve po vjen duke u vështirësuar dhe, po nuk u ndryshua mënyra e qeverisjes, e nesërmja do të jetë shumëfish më e keqe”, tha Piraj. Ndërkaq, lideri i AAK-së, Ramush Haradinaj, tha se parametrat e zhvillimit nuk janë të mirë në Kosovë dhe se vendi ka nevojë për një zhvillim të përshpejtuar. “Të gjithë e dimë këtë, prandaj edhe duhet të punohet në zhvillimin e vendit. Është interesi i të gjithëve që t’i ndërrojmë këto parametra për mirë”, tha Haradinaj, duke specifikuar Dragashin, për të cilin tha se është më i rrezikuar ekonomikisht. “Njeriu vjen deri këtu dhe, doemos duhet të kthehet prapa, sepse nuk ka ku të vej më tej. Prandaj, të ndërtosh diç në Dragash, është më se e vështirë. Atyre që investojnë në këtë komunë, iu lumtë, sepse përkundër këtyre vetive negative, megjithatë investojnë. Ne, ju premtojmë se do t’i gjurmojmë të gjitha resurset e kësaj komune, për t’i shfrytëzuar ato në zhvillimin ekonomik”, tha Haradinaj. Fjalime përshëndetëse mbajten edhe përfaqësuesit e partive të tjera, si Fatmir Mehmeti (LDK), Usmen Ballxhi (koalicioni boshnjak VAKAT), Qamil Kolloni (LDD), Nasuf Brenolli (PSDG), si dhe Zaim Hajredini (AKR). Më pas, në këtë ceremoni u bë edhe shpërndarja e librezave për anëtarët e rinj që u anëtarësuan në këtë parti, në mesin e të cilëve ishte edhe kryetari i gjertanishëm i degës së AKR-së, Agzim Gashi dhe Nysret Veliu, ish-anëtar i LDK-së. Në pjesën e punës, Kuvendi i degës së AAK-së ka zgjedhur Këshillin drejtues prej 20 anëtarëve, nga i cili pritet që brenda një jave të zgjedhet kryesia e degës. Njëkohësisht, në këtë Kuvend, ku morën pjesë 63 delegatë, u zgjodhen edhe pesë delegatë për Kuvendin qendror të partisë.
Këshilli drejtues i degës së AAK-së në Dragash:
Delegatët për Kuvendin qendror të AAK-së:
|
• Transmetimi - LIVE •
• Vizitorë Online •
Vizitorë Online: 13
• Publicitet •
• Anketa •
• Oferta Publicitare •
• Publicitet •
• Publicitet •
• Facebook (Official) •
• YouTube (Official) •
• Vizitorë Total •
