Hajnat vjedhin edhe Krushen e Madhe! |
Rahovec, 08 prill 2013 - Hajnat që janë bërë të shumtë kohët e fundit, këto ditë ia kanë mësyrë edhe fshatit Krushe e Madhe, në të cilin shumë shtëpi kanë mbetur të pabanuara, për shkak të mërgimit, por edhe si pasojë e luftës së fundit, e cila më së shumti ka dëmtuar këtë fshat. Siç bëjnë me dije banorët e këtij fshati, mbrëmë rreth orës 22:00, hajnat e maskuar kanë thyer dyert dhe më pas kanë plaçkituar katër shtëpi në këtë fshat, tre shtëpi në lagjen Zeqiri dhe shtëpinë e Muhamet Durakut. Shefi Zeqiri, me ta kuptuar lajmin, ka lënë punën në Zvicër dhe është nisur drejtë Kosovës, për të parë nga afër se çka ka ndodhur me shtëpinë e tij. “Hajnat, të cilët janë bërë shumë në Kosovën e pasluftës, pasi marrin informata nga banorë vendas, duke shfrytëzuar planet dhe strategjitë e tyre mashtruese, mësyjnë shtëpitë e mërgimtarëve, pasi aty ndihen më të sigurt dhe shpresojnë për më shumë gjah”, ka thënë njëri nga banorët e këtij fshati, duke mos përjashtuar mundësinë për vetorganizim, në mbrojtjen dhe sigurinë e fshatit të tyre.
|