Rrahje në restorant, arrestohet pronari! |
Prizren, 06 maj 2013 - Policia e Prizrenit ka njoftuar sot për një rrahje masive, e cila kishte ndodhur në restorantin “Flamuri”, në fshatin Piranë, pak pas mesnatës. Në këtë rrahje janë përfshirë katër personave, njëri prej tyre pronar i restorantit. Sipas policisë, në këtë përleshje fizike janë përdorur edhe mjete të mprehta dhe shishe të thyera. “Njëri nga ta ka shkrepur disa fishekë nga pistoleta, por për fat nuk ka pësuar askush. Një i dyshuar tjetër e ka kanosur me thikë një person. Viktima është dërguar për trajtim mjekësor në emergjencën e Spitalit Rajonal në Prizren për shkak të plagëve të marra nga shishja e xhamit”, ka bërë të ditur zëdhënësi rajonal i policisë, Hazir Berisha.
Njësitet patrulluese të policisë dhe të krim-teknikës kanë kryer procedurat e duhura, me ç’rast kanë arrestuar tre të dyshuar, ndër ta edhe pronarin e restorantit. Gjithashtu është sekuestruar edhe një armë e kalibrit 9 milimetra.
|