Në Korishë kërkohet një varrezë masive! |
Prizren, 06 qershor 2013 - Në territorin e fshatit Korishë të Prizrenit, kanë rinisur gërmimet, në kërkim të një varreze masive. Kryetari i Komisionit parlamentar për personat e pagjetur, Preng Gjeta, ka paralajmëruar se rezultatet konkrete nga këto gërmime, priten javën e ardhshme. Në deponinë e vjetër të Prizrenit, poshtë fshatit Korishë, ekipet e ekspertëve po pastrojnë terrenin, ku dyshohet të ndodhet një varrezë masive, me viktimat e luftës së fundit në Kosovë. Sipas Hysni Berishës, kryetar i Shoqatës së të zhdukurve “Shpresimi”, në komunën e Suharekës, fillimisht kufomat kanë qenë të hedhura në deponinë e mbeturinave e më pas, më 3 prill të vitit 1999, ato janë marrë dhe, deri më tani, ende nuk dihet se ku i kanë groposur. “Në këtë territor ku po punohet, ka shumë shpresë që mund të gjenden mbetjet mortore të të zhdukurve nga komuna e Suharekës”, ka thënë Berisha.
Në shtator të vitit të kaluar, gjatë gërmimeve në këto terrene, janë gjetur disa mbetje mortore, të cilat iu përkisnin viktimave nga fshati Krushe.
|