Nexhat Çoçaj me shokë, i pafajshëm! |
Prizren, 18 qershor 2013 - Drejtori komunal i Arsimit në Prizren, Nexhat Çoçaj, si dhe dy bashkëpunëtorët e tij, Reshit Kushaj dhe Nezir Osmani, në mungesë të provave, janë liruar dje nga të gjitha pikat e aktakuzës, të ngritura nga një kompani transportuese, me pretendimet për parregullsi në një tender që ndërlidhej me ekskursionet e maturantëve prizrenas.
Gjykata e Qarkut në Prizren, kishte filluar shqyrtimin ndaj drejtorit të Arsimit, Nexhat Çoçaj, zyrtarit në këtë drejtori, Reshit Kushaj dhe zyrtarit për buxhet, Nezir Osmani.
Aktakuza i ngarkonte këta zyrtarë të Drejtorisë Komunale të Arsimit në Prizren, se më 9 maj 2009, me qëllim përfitimi dhe dobisë pasurore, e kanë shpërdoruar detyrën zyrtare, duke i tejkaluar kompetencat dhe duke mos i përmbushur detyrat e tyre zyrtare.
|