Arrestohen personat e plagosjes në Kukës! |
Kukës, 28 qershor 2013 - Policia ka arrestuar sot dy të dyshuar, nën dyshimin se kanë plagosur tre persona me armë zjarri, mesnatën e djeshme, në Kukës. Të arrestuarit janë, Vladimir Gjupa (30) dhe Baftjar Bruka (20), që të dy banues në Tiranë. Policia ende nuk ka dhënë asnjë motiv për ngjarjen, e cila ndodhi mesnatën e shkuar në aksin rrugor, Kukës - Morin, në pikën e karburantit të njërit prej personave të plagosur, konkretisht Ardian Trotës. Ngjarja e mbrëmshme ndodhi në një lokal, ku dy persona qëlluan me kallashnikov, duke lënë të plagosur tre veta. Policia në vendngjarje ka gjetur 20 gëzhoja automatiku, ndërsa hetimet po i vijon për zbardhjen e plotë të rastit, transmeton gazeta “Shekulli”.
|