Gold AG: “Fuck You, EULEX”! |
Nga: Radio SHARRI
|
e Martë, 02 Korrik 2013 14:48 |
Prishtinë, 02 korrik 2013 – Ditën kur Kroacia aderoi në familjen e madhe evropiane, Kosova vazhdon të mbikëqyret nga një mision evropian, i cili nuk mund të lavdërohet se po e arrin qëllimin e tij për të siguruar sundim të ligjit dhe gjyqësor funksional e të mirëfilltë. Ky i fundit po kritikohet nga shumë organizata, se është bërë fajtori kryesor në shumë procese që po vonohen në Kosovë. Për këtë, reperi i njohur shqiptar, me prejardhje nga Presheva, Gold AG, në videoklipin e tij të fundit, i cili është lansuar dje në YouTube, nuk është kursyer fare nga sharjet dhe fyerjet ndaj Misionit të Bashkimit Evropian në Kosovë (EULEX), veçanërisht ndaj prokurorit të këtij misioni, Salustro.
Reperi, i cili disa këngë ia kushtonte ngjarjeve politike në Kosovë, kësaj radhe e ka vënë në shënjestër të kritikave të tij EULEX-in. Frustrimin më të madh ai e shfaq ndaj arrestimeve të fundit të grupit të Drenicës. Gold AG, kohëve të fundit është shumë aktiv në skenën muzikore, ku me spotet e tij po trajton problemet e Kosovës, duke mos harruar luftën dhe dëshmorët e UÇK-së, të cilëve ai iu ka thurur shumë këngë.
|