Kryeministri Thaçi shtroi iftar në Prizren! |
Prizren, 06 gusht 2013 - Kryeministri i Republikës së Kosovës, Hashim Thaçi, shtroi iftar për t’i nderuar besimtarët myslimanë si dhe Bashkësinë Islame të Prizrenit. Sipas njoftimit nga Zyra e kryeministrit, në iftar ishin të pranishëm kryeimami i Prizrenit, Ali Vezaj, përfaqësues të Bashkësisë Islame të Prizrenit, kryetari i komunës së Prizrenit, Ramadan Muja, si dhe deputetë të Kuvendit të Kosovës nga rajoni i Prizrenit. Gjithashtu në këtë darkë iftari ishin të pranishëm edhe shumë qytetarë, të ftuar nga kryeministri Thaçi. Me këtë rast, kryeministri i përgëzoi përfaqësuesit fetarë të Prizrenit, për, siç tha ai, punën e mirë që po e bëjnë, si dhe i uroi për agjërimin gjatë muajit të Ramazanit.
|