Kamioneta e shkel për vdekje fëmijën! |
Nga: Radio SHARRI
|
e Premte, 13 Shtator 2013 15:01 |
Suharekë, 13 shtator 2013 - Një fëmijë është shkelur për vdekje në trafik, rreth orës 13:30, në Suharekë. Policia ka dalë në vendin e ngjarjes dhe ka mbledhur të gjitha informacionet, me të cilat do të procedohet më tej. Dëshmitarët e rastit kanë treguar se, fëmija është shkelur nga një autobus. Ndërkohë, policia ka njoftuar se ngjarja ka ndodhur në rrugën, Rahovec – Suharekë, saktësisht në fshatin Reshtan. “Në këtë aksident trafiku, ka pësuar një çun 11 vjeçar. Sipas hetuesve të Trafikut Rajonal nga Prizreni, në momentin kritik viktima kishte qenë duke lëvizur në drejtim të Suharekës, në një pjesë të rrugës e cila është paksa e ngushtuar dhe, nga prapa është goditur nga një kamionetë. Viktima është dërguar në Shtëpinë e Shëndetit në Suharekë, mirëpo nuk ka mundur t’iu mbijetojë plagëve”, ka thënë, Hazir Berisha, zëdhënës i Policisë Rajonale të Prizrenit.
|