• Rubrikat •
• Kërkimi i Shpejtë •
• Dita e FLAMURIT •
edhe:
Gëzuar!
Zbulohet dokumenti me Vulën e Lidhjes...! |
e Diel, 28 Shkurt 2010 00:47 |
Zbulohet ne arkivat britanike një dokument i rëndësishëm për historinë e shqiptarëve, i cili tregon vulën e parë, të përdorur nga Lidhja Shqiptare e Prizrenit.
Dokumenti, me referencën: FO-195/1382, që mban datën 2 Maj 1881, është gjetur disa ditë më parë nga studiuesi, Bejtullah Destani, në arkivin qendror të Londrës, në Britani të Madhe.
I shkruar në gjuhën e osmanlinjve, nga Lidhja Shqiptare e Prizrenit, dokumenti i adresohej ambasadorit britanik në Stamboll, i cili më pas ia ka kaluar këtë letër ministrit të Punëve të Jashtme.
Nëpërmjet kësaj letre, Lidhja Shqiptare e Prizrenit i kërkonte ambasadorit britanik në Stamboll, që ta mbështeste Lidhjen..., duke ndërhyrë në qeverinë Otomane, për t’i njohur katër vilajetet shqiptare, me emrin Arnautluk. “I nderuari zoti ministër. E dërgoj këtë letër në vëmendjen tuaj, pasi më duket shumë interesante”, kishte shkruar ambasadori George Goschen, në letrën e tij shoqëruese, dërguar ministrit të Punëve të Jashtme, Earl Granville.
Studiuesi, Bejtullah Destani, e ka komentuar gjetjen e këtij dokumenti, si një dëshmi me rëndësi te madhe historike për shqiptarët, pasi që, për herë të parë shihet vula e parë, e përdorur nga Lidhja Shqiptare e Prizrenit. Sipas tij, kjo vulë nuk është përmendur apo botuar më parë dhe as që e ka ditur ekzistencën e saj populli shqiptar.
I pyetur se si mundi ta zbulojë këtë dokument, Destani tha se nuk e kishte kërkuar pikërisht këtë, por disa dokumente të tjera. “Gjetja ndodhi tejet rastësisht, derisa po gjurmoja dokumente të ngjashme dhe, në momentin kur po shikoja një dosje, e cila kishte të bënte me Vaso Pashën, më ra në sy edhe ky dokument, i cili përmban këtë vulë të rëndësishme, e cila e pasuron historinë shqiptare”, tha Destani. |