• Rubrikat •
• Kërkimi i Shpejtë •
• Dita e FLAMURIT •
edhe:
Gëzuar!
Somalia, vendi i 69 që njeh Kosovën! |
e Mërkurë, 19 Maj 2010 18:18 |
Prishtinë - Republika e Somalisë e ka njohur sot zyrtarisht pavarësinë e vendit tonë, duke u bërë kështu vendi i 69 që deri më tani e kanë njohur shpalljen e Kosovës, shtet sovran dhe të pavarur, nga Kuvendi i Kosovës, më 17 shkurt të vitit 2008.
Me një notë diplomatike, drejtuar Ministrisë së Punëve të Jashtme të Kosovës, përkatësisht ministrit, Skënder Hysenit, i cili gjendet në Nju Jork, Ministria e Punëve të Jashtme e Republikës së Somalisë, konfirmon vendimin e qeverisë së këtij vendi për njohjen e Kosovës shtet të pavarur dhe sovran.
Në këtë notë thuhet se “vendimi është marrë, në bazë të kërkesës zyrtare për njohje, të nënshkruar nga presidenti i Republikës së Kosovës, Fatmir Sejdiu”. Po ashtu, në notë thuhet se “qeveria e Somalisë është e vetëdijshme për kontributin vital që Republika e Kosovës ka dhënë për stabilitetin dhe koekzistencën paqësore në Ballkan”. |