• Kërkimi i Shpejtë •

• Lidhjet Direkte •

kpm_radio_sharri

komuna_dragash_radio_sharri

• Publicitet •

ambienti_radio_sharri_dragash

grill_sharri_radio

kolloni_radio_sharri

• Publicitet •

ilva_radio_sharri_dragash

• Publicitet •

publicitet_nje_radio_sharri

• Publicitet •

libri_radio_sharri

• Publicitet •

kufje_radio_sharri

• Dita e FLAMURIT •

edhe:
Gëzuar!
connect_radio_sharri_tring
Rruga e Restelicës pëson shembje!
rruga_resteliceRestelicë - Rruga, Dragash - Restelicë, ndonëse është asfaltuar vjeshtën e kaluar, në disa akse ka filluar plasaritja e asfaltit, si pasojë e shembjes së dheut. Drejtuesit e automjeteve thonë se kjo dukuri paraqet rrezik për pjesëmarrësit në komunikacion, për faktin se disa prej këtyre shembjeve nuk kanë asnjë shenjë paralajmëruese. Vetë banorët e Restelicës, si dhe ata nga fshatrat tjera, të cilat i lidh kjo rrugë, pohojnë se me kohë e kanë lajmëruar pushtetin lokal në Dragash, nga i cili kanë marrë premtime se do të kërkohet nga instancat më të larta, si përgjegjëse të këtij aksi, zgjidhje urgjente.
Meqë kjo është rrugë rajonale, banorët e kësaj ane të Gorës kanë kërkuar nga Drejtoria Rajonale e Rrugëve që të bëjë një zgjidhje për evitimin e këtyre problemeve, sepse, për shkak të konfiguracionit tejet të papërshtatshëm, ata ndruajnë se shembje të tilla mund të vazhdojnë edhe më tej, kur kihet parasysh se në këtë trevë priten reshje të shumta shiu.
"Në disa pjesë të kësaj rruge, pas shembjes së dheut dhe dëmtimit të asfaltit, rrezikohet qarkullimi në trafik, sidomos për ata që shkelin për herë të parë në këtë rrugë. Ne i kemi njoftuar zyrtarët lokalë, të cilët na kanë premtuar se ky problem do të evitohet. Shpresojmë që kjo të ndodhë sa më parë, ngase me kthimin e shumë mërgimtarëve gjatë sezonit veror, do të vështirësoheshin punimet", thotë taksisti nga Restelica, Hikmet Xhingo.
Zyrtarët komunalë kanë theksuar se janë të njoftuar për gjendjen në këtë rrugë dhe telashet, me të cilat ballafaqohen qytetarët e kësaj ane. Ata thonë se e kanë njoftuar Drejtorinë Rajonale të Rrugëve, e cila, siç thonë, do të bëjë sanimin e këtyre dëmtimeve. "Unë, si banorë nga Restelica, për çdo ditë përballem me dëmtimet që po pëson kjo rrugë. Shembjet e tilla vërtetë paraqesin rrezik për qarkullimin e automjeteve. Por, meqë ky aks rrugor është në kompetencë të Drejtorisë Rajonale të Rrugëve, ne kemi kërkuar nga ata që të bëjnë sanimin sa më të shpejtë. Shpresojmë se kjo do të ndodhë", ka thënë Çasip Kushi, nënkryetar i Komunës së Dragashit, i cili vjen po nga ky fshat i Gorës.
Share