Policia e Kukësit sekuestron marihuanë! |
e Enjte, 12 Maj 2011 17:46 |
Kukës - Drejtoria e Policisë së qarkut të Kukësit, në bashkëpunim me Drejtorinë Rajonale të kufirit dhe emigracionit, sekuestroi të mërkurën mbrëma një sasi prej 110 kilogramësh lëndë narkotike, e llojit marihuanë. Sasia e lëndës narkotike ishte e paketuar në tetë qese plastmase, në gjendje të tharë, e ngarkuar në automjetin tip “Man”, kamion, të cilin e drejtonte një shtetas kosovar.
Drejtuesi i automjetit, Leonard Kelmendi, i cili është shoqëruar në ambientet e Policisë së Kukësit, bashkë me shtetasin tjetër kosovar, Ramë Nikçi, akuzohen për trafikim të lëndëve narkotike.
Mësohet gjithashtu se marihuana vinte nga Shqipëria dhe kishte si destinacion Kosovën.
|