Andorra njohu pavarësinë e Kosovës! |
e Enjte, 09 Qershor 2011 07:47 |
Andorra la Vella - Principata e Andorrës, zyrtarisht e ka pranuar pavarësinë dhe sovranitetin e vendit tonë. Konfirmimi zyrtar është dërguar në Ambasadën e Kosovës në Bruksel, njoftoi Ministria e Punëve të Jashtme e Republikës së Kosovës. Radiotelevizioni publik i Andorrës njoftoi sot se qeveria e këtij vendi e ka njohur pavarësinë e Kosovës. Sipas këtij televizioni, njohja e Kosovës nga ky vend është bërë, pas konsultimeve të bëra me Francën dhe Spanjën, vende këto me të cilat kufizohet kjo principatë.
Njohja nga Andorra erdhi në kohën, kur Ministria e Punëve të Jashtme e Republikës së Kosovës po bënë përpjekje maksimale për përmbylljen e procesit të njohjeve. Njohja nga ky vend e rriti numrin e njohjeve në 76 anëtarë të Kombeve të
Bashkuara.
|