Në Lybevisht humb jetën punëtori! |
Lybevisht - Në fshatin Lybevisht të Gorës, aksidentalisht ka humbur jetën, Sulltan Kryeziu (30 vjeç), nga goditja e rrymës elektrike. Lajmin e ka bërë të ditur mbikëqyrësi i njësitit të hetuesisë, Fahri Myrtezani, duke sqaruar se në momentin kur policia e Dragashit ka arritur në vendin e ngjarjes, viktima nuk kishte shenja jete dhe se trupi i tij është dërguar për autopsi në QKUK, në Prishtinë. “Të martën, rreth orës 17:00, është lajmëruar Stacioni policor në Dragash, për rastin tragjik që kishte ndodhur në fshatin Lybevisht të Gorës, ku kishte humbur jetën aksidentalisht 31-vjeçari nga fshatit Billushë, komuna e Prizrenit, teksa ishte duke punuar në ndërtimin e një godine banimi në këtë fshat”, ka thënë Myrtezani.
Sipas raportit të Policisë, dyshohet se shkak i këtij aksidenti fatal ka qenë goditja e tensionit të lartë të energjisë elektrike.
|