• Rubrikat •
• Kërkimi i Shpejtë •
• Dita e FLAMURIT •
edhe:
Gëzuar!
Ndërpriten kërkimet për viktimën e fundit! |
Restelicë, 12 shkurt - Numri i të vdekurve nga rrëshqitja e djeshme e ortekut te borës në Restelicë, mbetet nëntë persona, ndërkohë që ende nuk dihet fati i një viktime të fundit, për të cilin thuhet se është një djalë rreth 20-vjeç. Burimet e Radio Sharrit kanë marrë vesh se në këtë tragjedi, Famija treanëtarëshe e Feim Rekës është gjetur, por që të gjithë kanë pësuar në këtë fatkeqësi natyrore. Ndërkaq, Nga familja tetëanëtarëshe e Rexhep Rekës, ka mbijetuar vetëm Amsera Reka, ndërkohë që edhe për një anëtarë të kësaj familje ende nuk dihet gjë. Komandanti i FSK-së, gjenerali Kadri Kastrati, tha se operacioni i kërkim-shpëtimit të viktimave tjera eventuale ndërpritet për sot, për arsye të kushteve të vështirësuara. Ai tha se aksioni do të vazhdojë të hënën, që nga ora 7:00 e mëngjesit.
Pritet që viktimat e kësaj tragjedie të varrosen nesër, në varrezat e fshatit Restelicë, ndërsa për këtë qëllim është duke u punuar në hapjen e rrugës deri në varreza. Dita e nesërme është shpallur Ditë zie nga kryetarja e Kosovës, Atifete Jahjaga. |